Put your ad code here

Apne Mobile Par Video Wallpaper Set Karein

Hello friends, Aaj ke iss post me hum baat karenge ki hum kis tarah apne mobile par ek Animated moving wallpaper kaise laga sakte hai. Aap background mein lagane ke liye video khud bhi record kar sakte sakte hai. Android user live wallpaper ko Eclair ke dino se lagate huye aa rahe hai. Lekin kaafi android applications ne iss kaam ko aur bhi aasan bana diya. Aapne GIF format ke wallpaper bhi istemaal kiye honge lekin aaj hum video wallpaper ki baat kar rahe hai.
To aaiye jaante hai ki hum kis tarah apne mobile par ek video ko wallpaper set kar sakte hai. 
Apne mobile me Video wallpaper set karne ke liye aapko Video Live Wallpaper naam ka app play store se install karna hoga.




  • App install hone ke baad ise open karein aur app me Gallery option se aap video choose kar sakte hai. Dhyan rahe aapki video .mp4 ya .3gp ki format mein ho. Agar aisa nahi hai to aap uss video ko inn format mein convert kar sakte hai. 
  • App mein aapko Wallpaper Settings me play audio ka option milta hai. Agar aap chahte hai ki video ke saath hi music bhi play ho to aap iss option par tick kar sakte hai aur apni audio settings ko adjust kar sakte hai. Yahan aapko play video offscreen aur loop video jaise option bhi milte hai.
  • Aspect Ratio option me aap video ko Zoom or Stretch bhi kar sakte hai. (Agar aapka mobile aspect ratio setting ko adjust nhi kar paa raha hai to ise disable kar de).
  • Set Live Wallpaper par click karke aap Apply kar sakte hai. Aap yeh wallpaper Home Screen aur Lock Screen dono par laga sakte hai. 


Agar aap kisi video ko wallpaper par set nahi kar paa rahe hai to uss video ko convert kar le. Video convert karne ke liye aap play store se video convertor app install bhi kar sakte hai. Agar aap play store app ka istemaal nahi karna chahte hai to aap online video convertor ka bhi istemaal kar sakte hai. Inn tools ke jariye aap apne video ko kaafi format me convert kar sakte hai. Lekin Video wallpaper set karne ke liye aapko ise .mp4 ya .3gp me hi convert karna hoga. Aap apni photos aur images ki slideshow video bana kar bhi wallpaper ki jagah istemaal kar sakte hai.
Doston, Ummid hai ki aapko aaj ki yeh post aayi hogi. Aap ise ek baar zaroor istmaal karein. Agar aapko video wallpaper set karne mein koi bhi problem aa rahi ho to aap hame zaroor comment karein. Kisi bhi tarah ki tech problem ke liye aap hame comment kar sakte hai. 

एक टिप्पणी भेजें

3 टिप्पणियाँ