Android Apps Kaise Banaye

Hello friends, Welcome to Solution Guru. Aaj hum jis topic ke baare mein baat karenge use aapne title mein padh hi liya hoga. To aaiye Android App banane se pahle jaante hai ki yeh kya hoti hai aur kaise kaam karti hai.
Andorid ek Linux based operating system hai jisse khaas kar touch screen mobile aur tablets ke liye banaya gaya tha. Waise to kaafi operating systems hai lekin present me android ek bahut jayada popular aur jayadatar smartphones me milta hai. Internet par aapko bahut se android apps mil sakte hai. Jisse aap yeh andaza laga sakte hai ki android iss samay ka kitna popular hai.  Android ko 23 September 2008 intial release kiya gaya tha. Android ka 2.1: Eclair first version aur Android 10 aaj tak ka iska latest version hai jise 3 September 2019 ko release kiya gaya.
Aaiye ab jaate hai ki hum ek android app kaise bana sakte hai.
Waise to android app ko kaafi tariko se banaya jaa sakta hai lekin aaj hum aapko android app banane ke kuch tariko ke baare me batane jaa rahe hai. Inme aap coding aur bina coding ke bhi android app bana sakenge. Android app create karne ke liye aap apne smartphone ka bhi istemaal kar sakte hai.

Android Studio

Android Studio ek official android app development ke liye istemaal kiye jana wala software hai. Ise 16 May 2013 ko announce kiya gaya. Android Studio ka pahla 0.8 version June 2014 ko release kiya gaya. Android Studio me app development ke liye aapko java ya kotlin language ki jaankaari hona zaroori hai. Isme aap java ya kotlin ki coding ke jariye hi app ko bana sakte hai.  7 May 2019 se kotlin android app development me istemaal ki jaane lagi. Kotlin aur java ke alawa C++ bhi isme istemaal ki jaa sakti hai. Android Studio ko aap internet ya iski official website se bhi download kar sakte hai. Ise download karne ke baad install karte samay IDE, emulator aur ADT plugin update ke liye bhi aapko kuch internet ki zaroort ho sakti hai. Android Studio ko sikhne ke liye aap youtube par iske tutorials video dekh sakte hai. Isme aap xml language ke jariye layout ko design kar sakte hai. Android Studio ko run karne ke liye minimum 3 GB ram aur 1200x800 screen resolution ki zaroort hai. Apps banane ke sath hi aap android emulator se apps ko run karke check kar sakte hai. 

Eclipse

Jaisa ki aap jaan chuke hai ki android apps ke liye java programming ki zaroort hoti hai. Jyadatar java programming ke liye eclipse ko istemaal kiya jata hai. Hum eclipse ke jariye bhi android development kar sakte hai. Jiske liye hume kuch android tools jaise android SDK, ADT plug-in aur emulator ki zaroort hogi. Aap android development ke liye eclipse indigo(v 3.6) ko bhi install kar sakte hai. Android development ke liye system requirement ek jaisi hi rahegi. Eclipse ke jariye aap Android development ke sath hi java development, project aur java application bhi bana sakte hai. Isme aap android aur java dono projects par kaam kar sakte hai. Isme aap .jar aur .jad jaise java project bhi bana sakte hai.

Intellij IDEA

Intellij IDEA ek development environment hai. Jisme aap java programming ke jariye computer softwate aur android application bana sakte hai. Ise January 2001 me initial release kiya gaya tha. Aap isme java aur kotlin ke jariye bhi developing kar sakte hai. Yeh Windows, macOs aur linux jaise operating system ko support karta hai.  
Ab tak humne coding ke jariye android development ki baat ki. Lekin jinhe programming nahi aati aur android app create karna chahte hai. Hum unke liye bhi kuch lekar aaye hai. Aap inn apps ko website ko apne computer ya smartphone me browse karke android app develop kar sakte hai.

Appy pie (App builder)

Iss android app ke jariye aap bina coding apne mobile me bhi apps bana sakte hai. Iske jariye aap apne liye image collection, timer jaisi apps bana sakte hai. Lekin aap sirf unhi features ko istemaal kar sakte hai. Jo ye application provide karti hai. Appy pie ko aap Google Play Store se bhi download kar sakte hai.

Gonative.io

Yeh ek simple website hai jo website ko android app me convert karti hai. Aap apne pasand ki website ko android app me convert kar sakte hai. Sath hi aap android app ko banate samay apne pasand ka layout jaise color, navigation etc bhi choose kar sakte hai. Iss website ke jariye aap apne smartphone me bhi android apps bana sakte hai. Isme aap android aur iOs dono ke liye apps bana sakte hai. App ready hone ke baad yeh aapko email ke jariye aapki taiyaar ki gayi app bhejti hai. Jise aap download aur install karke istemaal kar sakte hai. App banane ke sath hi aap isme apni banayi gayi app ko test bhi kar sakte hai.

Thunkable.com

Yeh bhi ek android building platform hai. Jo inn dono se thoda alag hai. Isme aapko command aur navigation set karne padte hai. Isme aap apne pasand ka app layout choose kar sakte hai. Saath hi yeh aapko clock, reminder, website app aur kaafi applications ke features provide karti hai. Thunkable aur gonative.io ko istemaal karne se pahle aapko inn par apna account create karna hoga. Thunkable ke jariye aap apne mobile, computer aur laptop me bhi android apps develop kar sakte hai. 
To friends agar aap android app banana chahte hai to inme se kisi bhi tarike ka istemaal kar aap ek android app bana sakte hai. Agar aap programming jaante hai to kisi bhi computer software ka istemaal kar sakte hai aur programming nahi jaante to kisi bhi online aap builder ka istemaal kar aap android application bana sakte hai.  Aap kisi website ko bhi android application me convert kar sakte hai. Yadi fir bhi aapko application create karne me koi problem aa rahi hai ya koi aur tech related confusion hai to aap hume comment kar sakte hai. Fir haazir honge ek nayi jaankari ke saath.